Мексикада яшовчи Даями исмли қизалоқ Санта Клуасга хат ёзиб, уни ҳаво пуфагига бойлаб учирган. АҚШ чегарасидан учиб ўтган шарни аризоналик 60 ёшли Ренди Хейсс топиб олиб, қизалоқнинг орзуларини рўёбга чиқарди, деб ёзмоқда Reuters. Қизалоқ Санта Клаусдан қўғирчоқ, қўғирчоқлари учун уй ва чизиш учун қаламлар сўраган.
Маълум бўлишича, Ренди Хейсс маҳалий радио билан боғланиб, топилмаси ҳақида уларга хабар берган. Радио ўз навбатида қизалоқнинг оиласи билан боғланиш учун ёрдам берган.
Ренди Хейсс ва унинг рафиқаси қизалоқ сўраган барча нарсани сотиб олиб, Ногалес шаҳрига бориб, қизалоқ билан радиостанцияда учрашган. Эр-хотин Даямига ўзларини Сантанинг ёрдамчилари деб таништирган.
Изоҳ (0)