Xiaomi ромсиз Mi MIX 3 смартфонини тақдим этди. Бу ҳақда «РИА Новости» хабар берди.
Қурилма слайдер форматида яратилган бўлиб, камерадан фойдаланиш учун қурилма эгаси смартфоннинг орқа панелини суриши керак бўлади.
Mi MIX 3 смартфони 6,39 дюймли AMOLED экрани, олти, саккиз ёки ўн гигабайтли тезкор хотира билан жиҳозланган.
Янги қурилма 5G тармоғида ишлай олади ва симсиз қувватланиш имкониятига эга. Бундан ташқари, смартфон бармоқ изини олувчи сканерга ва ҳар бири 12 мегапикселли бўлган иккита камерага эга.
Mi MIX 3 уч рангда тақдим этилган: қора, тўқ яшил ва кўк. Смартфоннинг нархи 475 долларни ташкил қилади. Тезкор хотираси каттароқ бўлган моделларнинг нархи мос равишда 575 ва 720 долларни ташкил қилади. Хитойда смартфон савдоси 1 ноябрдан бошланади.
Изоҳ (0)