Москвада Бобур ҳаёти ва ижодига бағишланган халқаро давра суҳбати бўлиб ўтди

Москва давлат тилшунослик университетида буюк ўзбек шоири ва давлат арбоби Заҳириддин Муҳаммад Бобур ҳаёти ва ижодига бағишланган халқаро давра суҳбати бўлиб ўтди, деб ёзади «Жаҳон» АА.

Тадбирда Ўзбекистоннинг Россиядаги элчихонаси, Москва давлат тилшунослик университети, М.В.Ломoносов номидаги Москва давлат университети Осиё ва Африка мамлакатлари институти, Ўзбекистоннинг бир қатор ОТМлари, Россия жамоатчилик ташкилотлари вакиллари, шунингдек, ўзбек тилини ўрганувчи талабалар қатнашди.

Тадбир иштирокчилари эътиборига шоирнинг ҳаёти ва ижоди ҳақидаги ҳужжатли фильм намойиш этилди, бобуршунос олимлар гуруҳи томонидан тайёрланган «З.М.Бобур асарлари библиографияси»нинг биринчи жилди тақдим этилди.

Ўзбек тилини ўрганаётган талабалар ўз билимларини намойиш этди ва Бобур асарларидан парчалар ўқиди.