Таиланд собиқ бош вазири Йинглак Чинават уни масъулиятсизликда айблаб, сиртдан 5 йил қамоқ жазосига ҳукм қилган қироллик олий суди қарорига шикоят келтиришдан бош тортди. Бу ҳақда «ТАСС» хабар бермоқда.
The Nation нашрига кўра, шикоят бериш муддати 27 октябрь, жума куни якунига етди, бироқ на ҳимоя, на айблов шу пайтгача апелляция шикояти бермади.
«Биз у билан алоқада бўлмадик ва апелляция муддатини узайтириш ҳақида ариза ҳам бермадик. Шу тариқа, техник жиҳатдан олганда, бу иш ёпилди», — деди собиқ бош вазирнинг адвокати Норавит Лаланг.
Эслатиб ўтамиз, олдинроқ Йинглак Чинават Буюк Британиядан сиёсий бошпана сўрагани маълум қилинганди.
Изоҳ (0)