Хитойлик эркак кўчада олти кишини сўйиб ташлади

28 май, якшанба куни Гуйчжоу провинциясининг Чженнинь шаҳри округи кўчасида хитойлик эркак қирғин уюштириши оқибатида олти киши ҳалок бўлди, 12 киши турли даражадаги тан жароҳати олди. Бу ҳақда BeijingNews’га таяниб, «Корреспондент.net» хабар берди.

Нохуш ҳодиса беш дақиқага яқин давом этган, шундан сўнг маҳаллий полиция вакиллари ҳужум уюштирган шахсни қўлга олишган.

Ҳужум сабаби ҳозирча номаълум, бироқ дастлабки маълумотларга кўра эркак руҳий касал бўлиши мумкин.