Оттавада юз берган отишма оқибатида 1 киши ҳалок бўлди

Канада пойтахти Оттава шаҳрининг шарқида юз берган отишма оқибатида бир киши ҳалок бўлди. Бу ҳақда, CBC телеканалига таяниб, «ТАСС» хабар бермоқда.

Ҳодиса аҳоли яшайдиган кварталда содир бўлган. Ҳалок бўлган эркакнинг шахси ва ёши ҳақида маълумот берилмаган. Эркак воқеа жойига етиб келган тиббиёт ходимлари томонидан тезкор равишда шифохонага етказилган ва ўша ерда жон берган.

Айни дамда полиция гувоҳларни сўроқ қилиб, ҳужум қилганлар сонини аниқламоқда. Мазкур қотиллик Оттавада йил бошидан буён ўн иккинчиси бўлди.