iPhone 7 ва 7 Plus смартфонлари расман тақдим этилди (фото)

Apple компанияси янги — iPhone 7 ва 7 Plus смартфонларини расман тақдим этди, дея хабар бермоқда «Hi-tech.mail.ru».

Apple смартфонлари дизайнидаги асосий ўзгариш — iPhone 7 ва 7 Plus орқа корпусдаги пластик деталлардан деярли бутунлай халос бўлди. Улар ён томонга яқин жойга кўчди, ва энди смартфонлар яхлитроқ кўриниш олди. Корпус шиша ва алюминийдан, орқа панель эса тўлиқ шиша (металл асосли).

Энди iPhone IPХ7 стандарти бўйича чанг ва сувдан ҳимояланган, бу шуни билдирадики, уларни қисқа вақтга чучук сувга 30 см чуқурликкача ботириб туриш мумкин, бу унинг иш қобилиятига таъсир қилмайди.

Смартфоннинг ранглари қаторига Black — жилоли қора ва Jet Black қопламаси қўшилди, у антенналар кўринмаслигини таъминлайди.

4,7 дюймли iPhone 7 ва 5,5 дюймли iPhone 7 Plus ўз ҳажмига кўра, «ака»ларидан фарқ қилмайди, аммо экранларнинг ўзи яхшиланди: ёрқинлик даражаси 25 фоизга ошди, энди тўғридан-тўғри қуёш нурлари остида экранда ўқиш ва расм кўриш осонроқ бўлди. Экранлар тегишли равишда 1334×750 ва 1920×1080 пикселли.

Шунингдек, iPhone 7 катталаштирилган ҳажмдаги 12 мегапикселли, iPhone 7 Plus эса қўш камерага (у ҳам 12 мегапикселли) эга бўлди. Иккинчи модуль кенг бурчакли бўлиб, панорамалар яратишда қўлланилади. Умуман олганда, камералар етарлича ёритилмаган шароитда яхшироқ суратга оладиган бўлди.

iPhone 7 ва 7 Plus’га кутилганидек, янги, 2,2 ГГц частотали Apple А10 процессорлари ўрнатилди. Кичик версия 2 Гб, каттаси эса 3 Гб тезкор хотирага эга бўлди. Ички хотиралари эса 32, 128 ва 256 Гб ҳажмда бўлади. microSD учун слот ҳамон мавжуд эмас.

Apple смартфонлари аккумуляторлари сиғими анъанавий тарзда ошкор қилинмади — саҳнада унинг катталашгани маълум қилинди, холос.

Apple янги iPhone’ларда 3,5 миллиметрлик разъёмдан воз кечди. Порт ўрнида иккинчи динамик пайдо бўлди, шундай экан, энди смартфонларда кучли стереотовушдан баҳраманд бўлиш мумкин. Симли наушникларни Lightning портига улаш мумкин. Эски 3,5 миллиметрли наушниклар ўтказгич (переходник, сотувда бор) орқали уланади.

iPhone 7 ва 7 Plus лазерли датчик билан жиҳозланди, у масофадан туриб имо-ишоралар билан бошқариш имконини беради. Home тугмаси босим кучини сезадиган бўлди. Бундан ташқари, iOS 10 ўрнатилган iPhone’ни кўтарганингизда, энди у блокдан чиқади.