АҚШ «ислом дунёсини йўқ қилиш»га уринмоқда, бутун дунё мусулмонлари эса Америкага қарши ягона фронтда жанг қилиш учун бирлашиши керак. Бу ҳақда Чеченистон президенти Рамзан Қодиров айтиб ўтди, деб ёзади «РБК».
Чеченистон раҳбари мусулмон мамлакатлари етакчилари, шунингдек, диний ва жамоат арбобларини «АҚШнинг ислом дунёсини йўқ қилиш ҳаракатларига қарши ягона фронтга бирлашишга чақирди.
Унинг сўзларига кўра, баъзи мамлакатлар АҚШнинг аллақачон Афғонистон, Ироқ, Ливия, Сурия, Яман каби давлатлар билан тўлдирилган рўйхатидаги навбатдаги қурбон бўлиш қисматини индамайгина кутиб ўтирибди.
«Минг фоизга ишончим комилки, энг мушкул пайт келганида барчаси яхши томонга ўзгаради. Бунинг учун кимдир ўзида куч, ирода, оқиллик ва мардлик топиб, АҚШ ва унинг иттифоқдошларига ‘йўқ’ деб айта олиши керак», — деди Чеченистон президенти. Шу билан бирга, Қодиров АҚШ ва иттифоқдошларини урушга чорламаётганини таъкидлади.
Изоҳ (0)