Қўйлар орасида ўтказилган гўзаллик танловида олифта чўчқа ғолиб бўлди

Ирландиянинг Антрим графлигида ўтказилган Далриада фестивалида қўйлар орасида ўтказилган гўзаллик танловида «Бабблс» лақабли чўчқа ғолиб бўлди. Бу ҳақда BelfastLive хабар беради.

Бабблсни танловга унинг беш ёшли соҳибаси Кети Росс олиб келди. Улар танловда Rock Chicks («Рок-қизалоқлар») жамоаси сифатида қатнашди. Кети ва Бабблс бир-бирига мос ёрқин пушти безаклари бўлган қора гипюрдан кўйлак кийиб олган эди. Бундан ташқари қора рангли чўчқа сарғиш тусдаги улама соч кийиб олган.

Rock Chicks қандай қилиб қўй рақибларини ортда қолдирганлиги ва танлов ҳакамлари нега ғолибликни ташқи кўриниши танловга мос келмайдиган чўчқага берганлиги сабаби манбада кўрсатилмаган.