Чеченистонлик ёзувчи Руслан Закриев режиссёр Жеймс Кэмерон устидан судга даъво берди, дея хабар қилмоқда «Корреспондент.net». Адиб уни «Аватар» фильми сценарийси муаллифи деб эълон қилишни талаб этмоқда.
Аввалроқ Закриевнинг романини «анча паст сифатли хомашё» деб атаган Кэмероннинг ўзи даъво ҳақидаги янгиликни изоҳлаганича йўқ, бироқ адвокат Дмитрий Казацкера сўзларига кўра, шикоятнинг нусхаси режиссёрга жўнатилган.
Эслатиб ўтамиз, Закриев Кэмеронни фильм сценарийси учун ўзининг «Махфий қурол» асарини асос қилиб олганликда айбламоқда. Унинг сўзларига кўра, романни 1996 йилда ёзишни бошлаб, 2002 йилда интернетда эълон қилган. Ҳозирда суд учун материаллар тўпланмоқда. Чеченистон ёзувчилар уюшмаси фильмнинг ва романнинг баъзи саҳналари ўхшашлигини қайд этган.
«Кэмерон фильмдан ишлаган 3 миллиард долларнинг учдан бир қисмини бизга бериши керак. Мен киностудия очиб, фильм олишни истайман. Менинг асарларим кўп, киностудиям эса йўқ», − деди Закриев.
Изоҳ (0)