Бошидан олинган жароҳатдан даволаниш жараёнини давом эттираётган Михаэль Шумахернинг доктори Жан-Франсуа Паеннинг таъкидлашича, немис пойгачисининг тўлиқ тикланишига уч йил кетади. Бу ҳақда «Olamsport» хабар бермоқда.
Айни пайтда Швейцарияда даволанаётган Шумахернинг ҳолати тобора яхшиланиб бормоқда. Унинг даволаниши учун турмуш ўртоғи Михаэлга тегишли бўлган самолётни сотувга қўйишга мажбур бўлди.
Шумахер 2013 йил 29 декабрда Франциядаги Алп тоғларида чанғи учаётганида бошидан оғир жароҳат олган ва узоқ вақт сунъий кома ҳолатида бўлган. Июнь ойининг сўнгида унинг комадан чиққани ва Лозаннадаги реабилитация шифохонасига олиб келингани ҳақида хабар тарқалган. Шундан сўнг, сентябрь ойи ўрталарида Шумахернинг касалхонадан чиқарилгани маълум қилинди.