Бош вазир Арсений Яценюк Европа иттифоқи, АҚШ ва дунёнинг бошқа мамлакатлари етакчиларини Россия Федерациясига қарши киритилган санкциявий чекловларни бекор қилмасликка чақирди.
Бу ҳақда у БМТ Бош ассамблеясининг Нью-Йоркдаги ялпи мажлисида сўзлаган нутқида айтиб ўтди, деб ёзади «Европейская правда» нашри.
«Санкциялар ҳақиқий музокараларни бошлаш учун реал йўлдир», — деди бош вазир.
«Жаноб Путин, сиз армияга қарши жангда ғолиб чиқишингиз мумкин, бироқ халққа, бирлашган украин халқига қарши жангда ҳеч қачон ғолиб бўла олмайсиз!» — дея таъкидлади у.
Яценюкнинг айтишича, Россия Қрим аннексиясидан воз кечсагина, санкцияларни бекор қилиш мақсадга мувофиқ бўлади.
«Шерикларимизни Украина Шарқдан бошлаб Қримгача бўлган ҳудуди устидан назоратни ўз қўлига қайтариб олмагунича санкцияларни бекор қилмасликка даъват этамиз», — дея бош вазир нутқидан иқтибос келтиради нашр.
Изоҳ (0)