Samsung’нинг Google Glass’га ўхшаш кўзойнаги бошнинг ўнг қисмига маҳкамланади ва ўнг кўз учун экранча билан жиҳозланади. Бу ҳақда Business Korea нашри компанияга яқин манбасига таяниб хабар берди.
Gear Glass деб номланувчи ушбу қурилма шу йилнинг 5—10 сентябрь кунлари Берлинда ўтказиладиган Европанинг йирик электроника кўргазмаси — IFA-2014’да тақдим этилиши кутилмоқда.
Нашрнинг тахмин қилишича, Samsung компанияси Gear савдо белгисини ўзининг барча тақилувчи электроникасига нисбатан қўллайди. Ўтган йилнинг кузида у Gear 2 ва Gear Fit номлари остида «ақлли» соати ва фитнес-трекерини чиқарган эди.
Электрон кўзойнак Tizen OS кейинги авлод операцион тизимида ишлайди. Гаджетнинг дисплейи наушник билан уланади, натижада ўнг кўз билан экрандаги маълумотни кузатиб, ўнг қулоқ билан мусиқа эшитиш мумкин бўлади.
Business Korea маълум қилишича, Samsung ўз қурилмаси учун АҚШда патент олган, ўтган йил октябрида эса Кореянинг интеллектуал мулк бўйича агентлигида ўз гаджети конструкциясини рўйхатдан ўтказган.
Изоҳ (0)