Хитойдаги бинога 43 сонияда 95 қават юқорилайдиган лифт ўрнатилади

Япониянинг Ҳитачи Лтд компанияси Хитойнинг Гуанчжоу шаҳридаги 111 қаватли бинога дунёдаги энг тез ҳаракатланувчи лифт ўрнатади, деб хабар беради NHK телеканали маълумотига таяниб «Халқ сўзи» газетаси.

Ушбу иншоотнинг баландлиги 530 метрга тенг бўлиб, 2016 йилда молиявий марказ сифатида фойдаланишга топширилади. Унга жойлаштириладиган лифт соатига 72 километр тезлик билан ҳаракатланади. Масалан, 1-қаватдан 95-қаватга кўтарилиш учун 43 сония кифоя қилар экан.

Ҳозирча энг тез лифт Тайванда бўлиб, у соатига 60,6 километр тезликда юради.