Toshkent viloyati IIBB Yo‘l harakati xavfsizligi boshqarmasi Bo‘stonliq tumanida sodir bo‘lgan yo‘l-transport hodisasi yuzasidan ma’lumot berdi.
Qayd etilishicha, 27-may kuni soat taxminan 21:45 larda Bo‘stonliq tumani hududidan o‘tgan 4R12 Bektemir—Chorbog‘ avtomobil yo‘lining 67-kilometrida YTH yuz bergan. Toshkent shahrida istiqomat qiluvchi 29 yoshli haydovchi U.Sh. Lacetti rusumli transport vositasini boshqarib ketayotgan vaqtida rul boshqaruvini yo‘qotib, yo‘l chetidagi beton to‘siqqa urilgan.
Urilish natijasida avtoulovning dvigatel qismida yong‘in kelib chiqqan. Yong‘in FVB o‘t o‘chiruvchilari tomonidan o‘chirilgan. Yong‘in oqibatida haydovchi va yo‘lovchining sog‘lig‘iga ziyon yetmagan.
Eslatib o‘tamiz, 27-may kuni soat taxminan 13:30 larda Bo‘stonliqda qisqa tutashuv sabab Gentra’da yong‘in yuz bergandi.
Izoh (0)