Namangan viloyatidagi jazoni ijro etish muassasasida 23-may kuni jazo o‘tayotgan 2000-yilda tug‘ilgan mahkum (Jinoyat kodeksining 273-moddasi 5-qismi “Giyovandlik vositalari, ularning analoglari yoki psixotrop moddalarni ko‘p miqdorda qonunga xilof ravishda sotish” bilan sudlangan) ishlab chiqarish sexi xududida o‘zini-o‘zi osib, vafot etgan. Bu haqda Bosh prokuratura matbuot xizmati xabar berdi.
Maʼlum qilinishicha, murdani ko‘zdan kechirish davomida bo‘yin sohasida strangulyatsion egatdan tashqari boshqa tan jarohatlari aniqlanmagan.
Holat yuzasidan Pop tumani prokuraturasi tomonidan tergovga qadar tekshirish harakatlari o‘tkazilmoqda.
“Tekshirish harakatlari har tomonlama, to‘liq va xolisona o‘tkazilishi va natijasi bo‘yicha qonuniy qaror qabul qilinishi taʼminlanadi”, – deyiladi xabarda.
Avvalroq, holat Oliy Majlisning inson huquqlari bo‘yicha vakili nazoratiga olingani maʼlum qilingandi.
Izoh (0)