Kecha, 11:47

Ulug‘bek Qodirov sevimli partnyorlari, avtomobili va so‘nggi qimmat xaridi haqida so‘zlab berdi

Taniqli aktyor Ulug‘bek Qodirov Instagram’dagi bloglardan biriga bergan qisqa intervyusida muxlislarini qiziqtirgan ayrim savollarga javob berdi.

Aktyor suhbat avvalida Kia Sorento rusumli avtomobilni boshqarishi haqida aytib o‘tgan.

— Sizni mashhur qilgan film?

— Shahzoda bilan birga suratga tushgan “Sarvinoz” filmi meni mashhur qilgan.

— Oxirgi suratga tushgan filmingiz?

— Seriallardan “Alfons” deganida suratga tushdim, bundan tashqari, “Uch qahramon” deb nomlangan filmimiz ham taqdim etildi.

— Qaysi aktrisa bilan partnyor bo‘lish sizga qulay? Kimlarni iste’dodli deya olasiz?

— O‘zbekistonda iste’dodli aktrisalar judayam ko‘p. Lekin eng yoqadigani, menga filmlarda partnyor sifatida tushadiganlari — O‘zbekistonda xizmat ko‘rsatgan artist Dilnoza Kubayeva, xonanda Shahzoda (Zilola Musayeva), bundan tashqari, yana bir zo‘r aktrisamiz bor — milliy teatrda ishlaydigan Shodiya To‘xtayeva. Aktyorlar haqida gapiradigan bo‘lsam, o‘zimning do‘stlarim Bobur Yo‘ldoshev, Adiz Rajabov va Alisher Uzoqovni e’tirof eta olaman.

— Kuniga qancha pul ishlatasiz?
— Bilmayman, to‘g‘risini aytsam, umuman hisoblamayman. Barakasi uchadi.

— Pul baxt olib keladimi?
— Bu savolga hozircha javob bera olmayman. Hali hayot oldinda, balki keyinroq bu haqda gapira olarman.

— Oxirgi marta o‘zingizga qimmatbaho nima oldingiz?

— Telefon, iPhone 16 Pro Max oldim.

— Yoshlarga qanday maslahat berasiz?

— Kelajakka bo‘lgan umidingizni so‘ndirmang! Faqat olg‘a intiling, o‘qing, izlaning! Rivojlanishdan to‘xtamang!

Mavzuga doir