Kutilmagan burilishlar: film so‘ngida voqealar rivoji butunlay o‘zgarib ketadigan filmlar

Ajoyib film tomosha qilayotib, tushunib yetdim deb o‘ylaganingizda kutilmagan syurpriz taqdim etilishidan ko‘ra hayajonliroq narsa yo‘q. Hatto film o‘zi yaxshi bo‘lsa ham, aynan kutilmagan burilishlar odatda xotiramizda uzoq vaqt saqlanib qoladi.

“Tashvishlanma, azizam” (2022)

“Tashvishlanma, azizam” — Florens Pyu, Garri Stayls va Kris Payn bosh rollarda ishtirok etgan psixologik triller. Unda 1950-yillarda chekka shaharchada yashovchi yosh uy bekasi haqida hikoya qilinadi. 1950-yillar muhiti, dahshatli syujet va kutilmagan burilish tufayli mazkur film “Qorong‘i hudud”ga o‘xshab ketadi.

“Soltbern”, (2023)

Bosh rollarda Barri Keogan va Jeykob Elordi. “Soltbern” filmi Oliver (Keogan) ismli odamovi talabaning boyvachchа sinfdoshining hashamatli dunyosiga tushib qolishi haqida hikoya qiladi. “Soltbern” 2023-yilning eng ko‘p muhokama qilingan filmlaridan biriga aylandi. Bu qisman ko‘plab hayratlanarli va g‘ayrioddiy kadrlar va syujetdagi kutilmagan burilish tufayli sodir bo‘ldi.

“Ruh yig‘uvchi” (2024)

“Ruh yig‘uvchi” filmi Nikolas Keyjning keng targ‘ib qilingan va ta’sirchan ijrosi tufayli 2024-yilning eng shov-shuvli vahimali filmlaridan biriga aylandi. Film voqealari 1990-yillarda kechadi. Voqealar markazida FQB agenti Li Xarker (Mayka Monro) turadi. Unga faqat Uzunoyoq laqabi bilan tanilgan seriyali qotilni izlab topish vazifasi yuklatilgan.

“Konklav” (2024)

“Konklav” filmi 2024-yilgi “Oskar” mukofotining asosiy nomzodlaridan biriga aylandi va 8 ta nominatsiyaga sazovor bo‘ldi. Kardinal Lourens (Reyf Fayns) yangi Rim papasini saylash vazifasini olganda, u cherkov nomzodlaridan biri bilan bog‘liq fitnani fosh etadi.

“Hamroh”, (2025)

“Hamroh” — ta’til kunlarini o‘tkazish uchun ketgan juftlik va ularning do‘stlari haqidagi ilmiy-fantastik qo‘rqinchli film. Film treyleridan ma’lum bo‘lishicha, ulardan biri Ayris (Sofi Tetcher) ismli qiz aslida robot.

“Kaskadyorlar” (2024)

Filmda kinematografiyaning e’tibordan chetda qolgan jihati — kaskadyorlar haqida hikoya qilinadi. Kaskadyor Kolt Sivers (Rayan Gosling) o‘zining sobiq sevgilisining rejissyorlik debyuti ustida ishlayotganida fitnaga aralashib qoladi.

“Tuzoq” (2024)

Rejissyor M. Nayt Shyamalan filmlaridagi kutilmagan syujet burilishlari bilan mashhur bo‘lib, “Tuzoq” filmi ham bundan mustasno emas. 2024-yilda ekranlarga chiqqan bu asar M. Naytning eng so‘nggi filmi hisoblanadi. Unda shahar chekkasida yashovchi ota (Josh Hartnett) o‘smir qizini pop yulduzining konsertiga olib boradi va aynan shu yerda FQB maxfiy tarzda qotilni qidirayotgan bo‘ladi.

Shyamalan o‘zining an’anaviy uslubiga sodiq qolgan holda, kutilmagan yechimli film yaratgan. Dastlab aniq ko‘ringan voqealar keyinchalik boshqacha talqin etilishi mumkin. Yakuniy sir-sinoatlar shaxsiy vaziyatda ochiladi. Bu esa film boshida yaratilgan taranglikni oxirigacha saqlab qolish imkonini beradi.