Surxondaryo viloyati Sherobod tumanida joylashgan qo‘riqxonada 2 kun oldin boshlangan yong‘in hamon davom etayotgani haqida xabarlar tarqaldi. Favqulodda vaziyatlar vazirligi buni rad etdi.
-vy3vMoOs.avif)
Surxon davlat qo‘riqxonasiga qarashli 5 gektar maydonda yirik yong‘in 23-iyul kuni sodir bo‘lgandi. FVV yong‘in 24-iyul kuniga o‘tar kechasi soat 00:35 da o‘chirilganini ma’lum qilgandi.
“Ayni vaqtda yong‘in bartaraf etilgan hududning ayrim joylarida shox-shabbalar qoldiqlaridan tutun chiqishi holatlari kuzatilmoqda. Ushbu holat yong‘inning qaytadan ro‘y berishiga olib kelmaydi”, deyiladi vazirlik munosabatida.
Qayd etilishicha, mazkur holat Favqulodda vaziyatlar vazirligi va tegishli tashkilot xodimlari tomonidan to‘liq nazoratga olingan. Ayni damda yong‘inning qaytadan ro‘y berishini oldini olish maqsadida yuqorida aytib o‘tilgan tashkilotlar tomonidan profilaktik tadbirlar amalga oshirilmoqda.
Izoh (0)