O‘zbekiston Superligasi 11-turi doirasidagi bellashuvda “Dinamo” “Qizilqum” ustidan dramatik g‘alabaga erishdi.
O‘yinning dastlabki daqiqalaridayoq mehmonlar tashabbusni o‘z qo‘liga olishdi va 22-daqiqada Roman Papariga hisobni ochdi. Birinchi bo‘lim mehmonlar foydasiga yakunlandi.
Ikkinchi taym boshida “Dinamo” biryo‘la uchta o‘zgarish amalga oshirildi va bu qaror qayidir ma’noda o‘zini oqladi. 51-daqiqada Oybek O‘rmonjonov hisobni tenglashtirdi. Biroq oradan ko‘p o‘tmay, 61-daqiqada Shahzodbek Rahmatullayev yana “Qizilqum”ni oldinga olib chiqdi.
“Dinamo” bu natijani o‘zgartirishga intildi va 77-daqiqada Jurani Ferreira tomonidan kiritilgan to‘p evaziga mezbonlar ikkinchi bor hisobni tenglashtirdi. O‘yinning eng keskin va hal qiluvchi lahzasi esa qo‘shimcha daqiqalarda yuz berdi. Sanjar Qodirqulov 90+7-daqiqada gol urib, “Dinamo”ga uch ochkoni taqdim etdi.
Qo‘lga kiritilgan g‘alabadan keyin samarqandliklar onlayn turnir jadvalida 22 ochko bilan 3-o‘rinni egallab turgan bo‘lsa, “Qizilqum” 11 ochko bilan 10-pog‘onadan joy oldi.
O‘zbekiston Superligasi
11-tur
25-may, yakshanba
“Dinamo” — “Qizilqum” 3:2
Gollar: 0:1 — Papariga (22), 1:1 — O‘rmonjonov (51), 1:2 — Rahmatullayev (61), Ferreira (77), 3:2 — Qodirqulov (90+7).
Izoh (0)