“Kalmar o‘yini”dan so‘ng yana psixologik o‘yinlar va xavfli sinovlar olamiga sho‘ng‘ishni istasangiz, ushbu koreys doramalarini tomosha qilishni tavsiya etamiz. Ular ham xuddi shunday kuchli hayajon bilan tomoshabinni o‘ziga jalb qiladi.
“Tun cho‘kdi”
O‘quvchilar imtihonlarni muvaffaqiyatli topshirganlari uchun mukofot sifatida tog‘dagi dam olish maskaniga jo‘nashadi. Biroq birinchi tun boshlanishi bilan har bir o‘quvchi sirli xabar oladi. Shunday qilib, ular mafiya o‘yini ishtirokchisiga aylanganliklarini bilib qolishadi.
Qoidalar hammaga tanish: ularning orasida mafiya a’zolari, tinch fuqarolar va sherif bor. Har kechada kimni o‘yindan chiqarish kerakligini hal qilish lozim. Ammo ko‘p o‘tmay o‘quvchilar dahshatli haqiqatni anglaydi: o‘yindan chiqqanlar chindan ham halok bo‘lishadi. O‘yinni to‘xtatishning iloji yo‘q — u oxirigacha davom etaveradi.
“Sevimli uy”
“Sevimli uy” dramasining bosh qahramoni 18 yoshli maktab o‘quvchisi Cha Xyon-su bo‘lib, u dahshatli avariyada butun oilasidan ayrilgan. Yillar o‘tib u ko‘p qavatli uyga ko‘chib o‘tadi, biroq tez orada qo‘shnilarning maxluqlarga aylanayotganini payqaydi. U omon qolish uchun uyning boshqa aholisi bilan birlashishiga to‘g‘ri keladi.
“Piramida o‘yini”
Bosh qahramon — yoqimtoy va tirishqoq Su Ji nufuzli xususiy maktabga o‘tadi. Sinfdoshlari avvaliga uni yaxshi kutib olishadi, ammo tez orada qiz shafqatsiz ichki qoidalarni bilib qoladi. Har oyda sinf eng “zaif” o‘quvchini saylaydi va shu paytdan boshlab hamma uni masxara qilishi mumkin bo‘ladi. Keyingi saylovda ko‘proq ovoz olsangizgina bu ta’qibni to‘xtatish mumkin.
Serial Janubiy Koreya uchun dolzarb mavzu - maktabdagi zo‘ravonlikni ko‘taradi. Bu yerda ijtimoiy iyerarxiyaning qanchalik shafqatsiz bo‘lishi, bitta xato sizni "piramida" cho‘qqisidan tubiga uloqtirib tashlashi mumkinligi aniq ko‘rsatilgan.
“Qora tuynuk”
“Qorong‘u tuynuk” syujetining markazida yaqinda erini yo‘qotgan ayol —detektiv Li Xvanson turadi. U erining qotilini topish uchun astoydil harakat qiladi. Tergov uni Muji degan kichik shaharchaga olib keladi, u yerda g‘alati voqealar sodir bo‘la boshlaydi.
O‘rmonda chuqur tuynuk paydo bo‘ladi, undan qora tutun chiqadi. Bu tutunga tegishga jur’at etganlar insoniyligini yo‘qotib, yo‘lida uchragan hamma narsani yo‘q qiladigan shafqatsiz zombilarga aylanadi. Endi Li Xvanson bu g‘ayrioddiy hodisa ortida nima turganini aniqlashi va yaqinlashib kelayotgan tartibsizlikni to‘xtatishi kerak.
Izoh (0)