Toshkent viloyati huquq-tartibot organlari tomonidan Islom Karimov nomidagi xalqaro aeroportda firibgarlik holati fosh etildi.
Aeroport xodimi R.M. fuqarolarni ishga joylashtirishini aytib, 1,5 ming dollar pora olayotganda qo‘lga tushgan.
Ayni paytda gumonlanuvchi qamoqqa olinib, unga nisbatan jinoiy ish qo‘zg‘atilgan.
“Jabrlanuvchi ham o‘z navbatida nima uchun bunday yo‘lni tanlaganini sudga tushuntirib berishi kerak bo‘ladi”, deyiladi xabarda.
May oyida “Toshkent metropoliteni” DUK “Harakat” xizmati xodimi fuqaroning ishonchiga kirib, 2 million so‘m evaziga ishga joylab qo‘yishga kelishgan va undan 1 million so‘m miqdorida pora olayotgan vaqtda qo‘lga tushgandi.
Toshkentning Sergeli tumanidagi maktabda esa yuqori lavozimga ishga o‘tkazish evaziga 200 dollar olgan o‘qituvchi ushlangandi.
Qoraqalpog‘istonda fuqaroni Qoraqalpoq davlat universitetiga ishga kiritish evaziga 1,8 ming dollar olgan shaxslar ushlangani aytilgandi.
Bundan tashqari, Qoraqalpog‘iston Respublikasi, Toshkent va Andijon viloyatlarida ishga hamda o‘qishga kiritib qo‘yish bilan bog‘liq firibgarlik holatlari fosh etilgandi. Jumladan, Nukusda tez tibbiy yordam ilmiy markaziga ishga kiritish evaziga 40 mln so‘m olgan shaxs ushlangan.
Tizimga kiring yoki Roʻyxatdan oʻting.
Izoh qoldirishingiz, Foydalanish shartlari va Maxfiylik siyosati shartlarini qabul qilganingizni anglatadiRoʻyxatdan oʻtganmisiz? Login.
Izoh qoldirishingiz, Foydalanish shartlari va Maxfiylik siyosati shartlarini qabul qilganingizni anglatadiRahmat. Biz sizning xabaringizni oldik va xatoni imkon qadar tezroq tuzatamiz.
Izoh (0)