Jizzax viloyatida kirakashlik bilan shug‘ullanib kelgan Nexia haydovchisi bir fuqaroning o‘limiga sababchi bo‘ldi. Bu haqda viloyat IIB axborot xizmati xabar berdi.
Qayd etilishicha, 7-yanvar kuni Zomin tumani “Peshag‘or” mahallasida kirakashlik bilan shug‘ullangan haydovchi o‘ziga tegishli bo‘lgan Nexia avtomobilida qarz undirish tashvishida yurgan tanishini manziliga olib borgan. Bu orada mashinaga yana bir hamqishlog‘i o‘tirgan. Ular spirtli ichimlik ichib, ziyofat uchun dala maydonini tanlagan. Haydovchi kimdir bilan telefonda gaplashib, jahl ustida mashinani orqaga haydagan. Aynan o‘sha payda mashinaning orqasida yotgan yo‘lovchilardan birining boshi jarohatlangan.
Kiraksah bu xatti-harakatidan qo‘rqib ketib, jabrlanuvchini tashlab ketishga qaror qilgan. Shu bois haydovchi yonidagi yana bir sherigini jabrlanuvchi hushiga kelgach, o‘zi ketishiga ishontirgan. Oradan biroz vaqt o‘tgan, voqea guvohini kimdir so‘rasa, uni bekatda qoldirganini aytishiga ko‘ndirgan.
Holat yuzasidan sud ishi Jinoyat ishlari bo‘yicha Jizzax viloyati Zomin tumani sudida ko‘rib chiqildi. Sud majlisida haydovchi eʼtiborsizligi sabab bir inson hayotiga zomin bo‘lganini, unga tibbiy yordam yordam ko‘rsatish choralarini ko‘rmaganini tan olib, kechirim so‘ragan.
Sudlanuvchiga Jinoyat kodeksining tegishli moddalariga asosan, 3 yil barcha turdagi transport vositalarini boshqarish huquqidan mahrum qilinib, 3 yil-u 1 oy muddatga ozodlikdan mahrum qilish jazosi tayinlandi.
Avvalroq Samarqandda “KamAZ” ayol va uning ikki farzandini urib yuborgani, Sirdaryoda Nexia-1 yuk mashinasiga kelib urilishi oqibatida ikki kishi jarohatlangani, Toshkentda 2024-yilning besh oyida YTH oqibatida 29 kishi halok bo‘lgani to‘g‘risida xabar berilgandi.
Izoh (0)