Kim Kardashyan otasi Rob Kardashyan bilan bog‘liq bo‘lgan asosiy orzusini amalga oshirdi. U huquqshunoslik diplomini oldi.
44 yoshli realiti-shou yulduzi o‘zining blogida o‘qish dasturini tugatganini eʼlon qildi. Kardashyan pandemiya va boshqa loyihalar tufayli to‘rt yil o‘rniga olti yil o‘qidi.
Kim o‘z uyining orqa hovlisida bitiruv kechasini uyushtirdi, unga eng yaqinlari va do‘stlarini taklif qildi. “Men nihoyat olti yildan so‘ng huquqshunoslik fakultetini tugatdim!”, dedi yulduz.
Kardashyanning o‘qishida ishtirok etgan huquqshunos Jessika Jekson Kim o‘qish davomida o‘z vazifalaridan qochmaganini va mashhur kishi sifatida hech qanday imtiyoz so‘ramaganini aytdi. U o‘quv dasturini vijdonan o‘zlashtirdi. “Ketma-ket olti yil davomida haftasiga 8 soat, yiliga 48 hafta, bu jami 5184 soatlik yuridik taʼlimdir. Bu vaqt ichida u to‘rt farzandni tarbiyaladi, biznesni boshqardi, teleko‘rsatuvlarda suratga tushdi hamda yig‘ilishlarda ishtirok etishga ham ulgurdi”, dedi Jekson.
Kardashyan taʼlim tizimining katta qismi amaliyotga asoslangan edi. Yulduz kollejni tugatmagani sababli bu huquqshunoslik diplomini olishning yagona imkoniyati edi. U hamkasblari singari huquqshunoslikni anʼanaviy ravishda o‘rganayotganlar kabi imtihonlarni topshirdi. Hattoki imtihonlardan birini uch martalab topshirishiga ham to‘g‘ri keldi.
Darvoqe, yulduz nafaqat hayotda, balki ekranda ham inson huquqlari himoyachisiga aylandi. U bosh rolni o‘ynagan “Hammasi rost” serialida o‘z tajribasidan foydalanadi. Avvalroq loyihaning birinchi tizeri tarmoqda paydo bo‘lgan edi.
Izoh (0)