“Barselona” va Braziliya terma jamoasi futbolchisi Rafinya “Oltin to‘p” sovrini haqida o‘z fikrlari bilan o‘rtoqlashdi. Bu haqda Championat nashri xabar bermoqda.
Uning aytishicha, individual mukofotlar emas, balki jamoaviy yutuqlar muhimroq.
“Oltin to‘p” haqida o‘ylaganim yo‘q. Agar uni qo‘lga kiritsam, bu klubim va mamlakatim uchun qilgan mehnatim natijasi bo‘ladi. Ammo mening asosiy maqsadim — jamoa bilan birgalikda sovrinlar yutish. Individual mukofotlar keyinroq o‘zi keladi. Agar kelmasa, bu ham muammo emas.
Ko‘plar menga “Oltin to‘p” haqida memlar yuborishadi, lekin buni ahamiyati yo‘q. Bu — o‘zim oldimga qo‘ygan maqsad emas. Maqsadim — jamoam bilan chempionliklarga erishish va o‘yinlarda bor kuchimni berish, dedi Rafinya Barca Universal nashriga bergan intervyusida.
Ma’lumot uchun, Rafinya 2022-yildan beri Kataloniya klubida to‘p suradi. U “Barselona”ga Angliyaning “Lids” klubidan kelib qo‘shilgan. Joriy mavsumda braziliyalik futbolchi 54 ta o‘yinda maydonga tushib, 34 ta gol hamda 25 ta golli uzatmaga mualliflik qilgan. Transfermarkt portali uning qiymatini 80 million yevroga baholagan. Hujumchining klub bilan amaldagi shartnomasi 2027-yilning 30-iyuniga qadar mo‘ljallangan.
Izoh (0)