Ijtimoiy tarmoqlarda 11 yoshli qizni tok urishi natijasida vafot etgani haqidagi xabarlar tarqaldi. Holat yuzasidan Toshkent shahar IIBB matbuot xizmati izoh berdi.
Maʼlum qilinishicha, 30-may kuni taxminan soat 18:00 larda Mirobod tumani, Amir Temur ko‘chasidagi savdo do‘konlardan birining tom qismiga 2014-yilda tug‘ilgan N.A. ukasining o‘yinchog‘ini olib tushish uchun narvon yordamida chiqqan.
Qaytib tushayotgan vaqtida tom qismiga yaqin joydan o‘tuvchi elektr tokini ushlab olgan va tok urishi natijasida voqea joyida vafot etgan.
Mazkur holat yuzasidan Mirobod tuman IIO FMB huzuridagi Tergov bo‘limi tomonidan Jinoyat kodeksining 257-moddasi 2-qismi “a” bandi (mehnatni muhofaza qilish qoidalarini buzish, odam o‘lishiga sabab bo‘lsa) bilan jinoyat ishi qo‘zg‘atilgan. Tergov harakatlari davom etmoqda.
Buxoro viloyatidagi xususiy bog‘chalarning birida uch yoshli bola tok urishidan vafot etgan edi. Shuningdek, mart oyida ham Buxoro tumanidagi oilaviy nodavlat maktabgacha ta’lim tashkilotida 2023-yilda tug‘ilgan bola tok urishi oqibatida vafot etgan.
Izoh (0)