Braziliyaning “Santos” klubi hujumchisi Neymar faoliyatini Yevropada davom ettirishni xohlamoqda. Bu haqida jurnalist Janluka di Marsio xabar bermoqda.
Manbalarga ko‘ra, uning agenti tajribali futbolchiga yangi jamoa izlamoqda. Sababi futbolchi 2026-yil bo‘ladigan Jahon Chempionati oldidan Yevropaning kattaroq jamoasi safida o‘ynashni istamoqda.
Avvalroq ijtimoiy tarmoqlarda futbolchi o‘z xizmatlarini “Bavariya”ga taklif qilgani haqida xabarlar chiqqan edi, biroq nemis klubi uning taklifiga rad javobini bergan. Khelnow nashri ma’lumotiga ko‘ra, Turkiyaning “Galatasaroy” klubi Neymar bilan shartnoma imzolashga tayyor ekanligini bildirgan, biroq futbolchining agenti Istanbul klubi rahbariyatiga aniq javob qaytarmagan.
Yil boshida “Santos”ga qaytgan futbolchi shu vaqtgacha 7 o‘yin o‘tkazib, 3 ta gol va 3 ta golli uzatma amalga oshirdi. Neymarning “Santos” bilan shartnomasi 2025-yil yozida yakunlanadi.
Shuningdek, Neymar 2023-yil oktabrdan beri ilk bor Braziliya terma jamoasiga chaqirildi, ammo futbolchi “Santos” safida jarohat oldi va ushbu yig‘inni o‘tkazib yuboradigan bo‘ldi.
Izoh (0)