Superliga joriy yilgi mavsumining 1-tur uchrashuvida Namanganning “Navbahor” jamoasi o‘z maydonida Samarqandning “Dinamo” jamoasini qabul qildi.
Uchrashuvning dastlabki daqiqalaridanoq har ikki jamoa faol harakat qildi. 9-daqiqada mehmonlar burchak zarbasini amalga oshirdi, biroq mezbonlar darvozaboni Umidjon Ergashev ishonchli o‘ynadi. 11-daqiqada “Navbahor” a’zolari ham burchak zarbasini amalga oshirib, raqib darvozasini ishg‘ol qilishga urinib ko‘rdi.
58-daqiqada “Navbahor” tarkibida ilk o‘zgarish yuz berdi – braziliyalik hujumchi Pedro o‘rnini Zabihillo O‘rinboyevga bo‘shatib berdi. Shuningdek, 73-daqiqada Javohir Abdujabborov va Ruslanbek Jiyanov o‘rniga Komiljon Tojidinov va Abbosjon G‘ulomov maydonga tushdi.
Uchrashuvning eng muhim vaziyatlaridan biri qo‘shimcha daqiqalarda sodir bo‘ldi. 90+5-daqiqada bosh hakam Ravshan Abduvohidov “Navbahor” darvozasiga 11 metrli jarima zarbasini belgiladi. Mehmonlar futbolchisi Anvarjon Hojimirzayev penaltini amalga oshirdi, biroq uning zarbasi noaniq chiqdi.
Shu tarzda Namangandagi o‘yinda tomonlar hisobni ochishga muvaffaq bo‘lmadi va uchrashuv 0:0 hisobi bilan yakunlandi.
“Daryo” “Navbahor” va “Dinamo” jamoalari o‘rtasidagi o‘yindan fotogalereya tayyorladi.
Izoh (0)