O‘rgimchak odam roli orqali barchaga tanish bo‘lgan 28 yoshli aktyor Tom Holland AQSH do‘konlaridan biriga kirib, o‘zining brendi ostida chiqarilgan alkogolsiz pivo — Patrón Tequila’ni xarid qilmoqchi bo‘ldi. Ammo sotuvchi uni tanimadi va aktyorga kattalar uchun mo‘ljallangan ushbu ichimlikni sotishni rad etdi.
Tom juda yosh ko‘ringani uchun undan yoshini tasdiqlash uchun hujjat so‘rashdi. Aktyor esa Britaniyada olgan shaxs guvohnomasini tadqim etdi, ammo unda aktyorning yoshi ko‘rsatilmagan edi.
Bu voqea internetda tez tarqalib, ko‘plab hazillarga sabab bo‘ldi:
“Hatto O‘rgimchak odam ham ba’zida oddiy hayotiy qiyinchiliklarga duch kelar ekan-da”, deya izohlar qoldirishdi. Tomning o‘zi ham bu voqeani ijobiy qabul qildi:
Bu voqea mening hayotimni ikki og‘iz so‘z bilan tasvirlab beradi, dedi u.
Tom Holland spirtli ichimliklarni iste’mol qilmaydi, shu sababli u tarkibida alkogol bo‘lmagan, ammo ularning analoglaridan ajralib turmaydigan premium pivolar sotuvini yo‘lga qo‘yishga qaror qildi. Uning fikricha, insonlarning salomatligiga zarar yetkazmaydigan bunday ichimliklar jamoa va do‘stlar guruhidan ajralib qolmaslikka yordam beradi.
Izoh (0)