Sevimli filmlarni qayta-qayta tomosha qilish va har safar yangi detallarni payqash mumkin. Ma’lum bo‘lishicha, “Uzuklar hukmdori” filmida Bilbo Beggins tug‘ilgan kuniga bag‘ishlangan ziyofatda o‘ziga xos musiqa ijro etgan, ammo uni sinchkov tomoshabinlar ham payqamagan.
“Yulduzlar jangi: so‘nggi jeday” — Lyuk o‘zidan iz qoldirmaydi
Lyukning Kreytda paydo bo‘lishi tomoshabinlar hayratiga sabab bo‘ladi, ammo u Qudratning sharpasi ekanligini hamma ham tushunmaydi. Aslida buni Kaylo Ren ham bilmagan. Lyuk bir vaqtning o‘zida bir nechta AT-AT hujumiga xotirjam bardosh bergani ham, hatto u sayyorada hech qanday iz qoldirmagani ham hech kimni shubhalantirmaydi.
Rejissyor Rayan Jonson atayin bunga urg‘u beradi: u Kayloning izlarini ko‘rsatib turib, Lyukdan iz qolmayotganini ta’kidlaydi.
“Janob Smit va Smit xonim”: Bred Pittning qisilgan ko‘zi
Yarmarka sahnasida Bred Pitt qahramoni tirda o‘q otmoqda. Avval u mo‘ljalga olish uchun chap ko‘zini qisadi, so‘ngra periferik ko‘rishni saqlab qolish uchun uni ochadi. Snayperlar aynan shunday harakat qilishadi, bu esa qahramonning filmda keyinchalik namoyon bo‘ladigan mahoratini izohlaydi.
“Kelajakka qaytib”: 3-qismdagi Dokning sharfi nimanidir eslatadi
Syujeti vaqtlar aro sayohatga asoslangan filmlarda xatolarga yo‘l qo‘yish oson. Ammo “Kelajakka qaytib” trilogiyasi ijodkorlari vazifalariga juda ehtiyotkorlik bilan yondashib, mayda-chuydalarga ham e’tibor qaratgan. Masalan, sinchkov tomoshabinlar Dokning “Kelajakka qaytib 3” filmidagi sharfi uning “Kelajakka qaytib 2” filmidagi ko‘ylagidan qilinganini payqashgan.
Bundan tashqari, diqqat bilan qarasangiz, ko‘ylakda parovoz ortidan quvib ketayotgan otlar tasvirlanganini ko‘rish mumkin — ehtimol, bu trilogiyaning yakuniy qismiga ishoradir.
“Kelajakka qaytib”: Marti Makflay va kichik Martining ko‘zlari turli rangda
Agar sizga “Kelajakka qaytib”ning 2-qismidagi o‘g‘il otasining aynan nusxasi bo‘lib tuyulgan bo‘lsa, demak, filmni e’tiborsiz tomosha qilgansiz. Martining ko‘zlari kulrang, o‘g‘lining ko‘zlari esa qo‘ng‘ir rangda.
“Trassa-60:” “Kelajakka qaytib” filmlariga ishoralar
Kristofer Lloyd qahramonining 13-qavatdagi ofisidagi soat 10:04 da to‘xtab qolgan. Xuddi “Kelajakka qaytib” filmidagi soat-minora kabi.
Shuningdek, Nil otasi tug‘ilgan kunida sovg‘a qilgan qizil BMW kabrioletini birinchi marta ko‘rganida, Marti yangi mashinasini ko‘rish uchun garajni ochganida chalgan musiqani eslatuvchi motiv yangraydi.
“Qudratli Evan”: ofitsiant beyjigi
Xudo ofitsiant sifatida paydo bo‘lganda, uning beyjigida “Al Mighty” deb yozilgan, bu ingliz tilidan tarjima qilinganda “Qudratli” degan ma’noni anglatadi.
“Karib dengizi qaroqchilari”: tanish parik kiygan mahalliy odam
Filmning 2-qismida Elizabet otasining keyingi taqdiri haqida spoyler bor. Saga qahramonlari tushib qolgan orolning mahalliy aholisidan biri gubernator Suonnnikiga shubhali darajada o‘xshash parikda paydo bo‘ladi. Biroq qizi otasining halok bo‘lgani haqida faqat 3-qismda bilib qoladi.
“Uzuklar hukmdori”: Bilboning tug‘ilgan kunida Pippin chiqish qiladi
“Ko‘pchilik Bilbo ziyofatida hobbitlar guruhida musiqa chalayotganimni payqamagan bo‘lishi mumkin”, deydi Pippin rolini ijro etgan aktyor Billi Boyd. Uni umumiy sahnaning orqa qismida ko‘rish mumkin. Konsertdan so‘ng ko‘p o‘tmay, Pippin sahnani tark etib, do‘sti Merri bilan sho‘xlik qilgani ketadi.
“Sumerki”: Bella va Edvard oltin piyozni qo‘lga kiritishadi
Edvard va Bella birinchi marta piyoz hujayralarini mikroskop ostida o‘rganish ustida birga ishlayotgan paytida gaplashgan. O‘qituvchi vazifani birinchi bo‘lib to‘g‘ri bajargan guruhga oltin piyoz berilishini e’lon qiladi. Darsdan so‘ng Bellaning qo‘lida o‘sha piyozcha ko‘ringani bois juftlik laboratoriya ishini birinchi bo‘lib tugatgan, garchi bu haqda filmda aytilmagan bo‘lsa-da.
Izoh (0)