O‘zbekiston hukumati delegatsiyasi 31-yanvar kuni Olmaota shahrida bo‘lib o‘tgan Yevrosiyo hukumatlararo kengashining navbatdagi yig‘ilishida kuzatuvchi maqomida ishtirok etdi. Bu haqda Bosh vazir matbuot xizmati xabar berdi.
O‘zbekiston kuzatuvchi sifatida YEOIIning ko‘p tomonlama yig‘ilishlarida Ittifoq davlatlari va organlari bilan amaliy hamkorlikni kengaytirish tashabbuslari bilan faol ishtirok etayotgani taʼkidlandi.
Xususan, 2024-yil oktyabr oyida qabul qilingan O‘zbekiston hukumati va Yevrosiyo iqtisodiy komissiyasining uch yillik hamkorlikdagi faoliyati rejasi amalga oshirilmoqda.
Yig‘ilishda O‘zbekiston bosh vazir prezident Shavkat Mirziyoyevning 2024-yil dekabr oyida bo‘lib o‘tgan Oliy Yevrosiyo sammitida ilgari surgan tashabbuslarini qo‘llab-quvvatlashga hamda amalga oshirishga chaqirdi.
Yig‘ilish yakunlari bo‘yicha quyidagi hujjatlar qabul qilindi:
- “YEOII davlatlarining xo‘jalik yurituvchi subyektlari tomonidan agrosanoat majmuasi sohasida qo‘shma loyihalarni amalga oshirishda moliyaviy qo‘llab-quvvatlash mexanizmlaridan foydalanish to‘g‘risida”gi topshiriq;
- “YEHKning 2024-yilda qabul qilingan ayrim qarorlari bajarilishi holati to‘g‘risida”gi topshiriq;
- “YEOIIga aʼzo davlatlardagi makroiqtisodiy vaziyat va barqaror iqtisodiy rivojlanishni taʼminlash bo‘yicha takliflar to‘g‘risida”gi farmoyish;
- “Oliy Yevrosiyo iqtisodiy kengashiga YEIK Kengashi aʼzosi nomzodini taqdim etish to‘g‘risida”gi farmoyish;
- “YEOII davlatlarida tashkil etilgan auksionlarda qimmatli qog‘ozlarni joylashtirish va muomalaga chiqarish uchun transchegaraviy ruxsat to‘g‘risida”gi bitim.
Izoh (0)