“Barselona” “Real”ni 5:2 hisobida mag‘lub etib, “qirollik klubi”ga qarshi o‘yinlar tarixida o‘ziga xos natijaga erishdi. Bu haqda Opta Sport xabar bermoqda.
12-yanvar, yakshanba kuni, Ispaniya Superkubogining final o‘yini bo‘lib o‘tdi. Unda Madridning “Real” va Kataloniyaning “Barselona” jamoalari o‘zaro to‘qnash keldi. O‘yin Saudiya Arabistonining Jidda shahridagi “King Abdulloh Sports City” stadionida o‘tkazildi.
“El-klasiko” tarixida birinchi marta “Barselona” ketma-ket ikki o‘yinda “Real” darvozasiga to‘rt yoki undan ortiq gol urdi. Bungacha, 11-tur doirasida La Ligada bo‘lib o‘tgan o‘yinda Kataloniya jamoasi “Real”ni 4:0 hisobida mag‘lubiyatga uchratgan edi.
Shu bilan birga, bunday natija oxirgi marta 1963-yilda qayd etilgan bo‘lib, o‘shanda “Real” ketma-ket ikkita o‘yinda “Barselona”ni (5:1 va 4:0) mag‘lub etgan edi.
Ma’lumot uchun, Ispaniya Superkubogi finalida “Real”ni mag‘lub etgan “Barsa” o‘z tarixida 15-bor bosh sovrinni qo‘lga kiritgandi.
Izoh (0)