2024-yilning 26-dekabr holatiga ko‘ra, APEX BANK ustav kapitali 500 milliard so‘mga oshdi. Bu O‘zbekiston Respublikasi Markaziy bankining ustav kapitali bo‘yicha minimal talablariga to‘liq mos keladi va bankimizning barqarorligi hamda ishonchliligini tasdiqlaydi.
APEX BANK — O‘zbekiston moliyaviy bozorida yangi ishtirokchi bo‘lib, faoliyatining dastlabki kunlaridan boshlab yuqori darajada xizmat ko‘rsatish va barcha moliyaviy operatsiyalarning barqarorligini ta'minlashga intilmoqda.
Bankimiz taqdim etilayotgan xizmatlarning xavfsizligi va ishonchliligini ta'minlash maqsadida qat'iy nazorat va korporativ boshqaruv standartlariga rioya qiladi.
Maqsadimiz — har bir mijoz uchun ishonchli moliyaviy hamkor bo‘lish. Biz kichik va o‘rta biznesni rivojlantirishni qo‘llab-quvvatlaymiz, innovatsiyalarni joriy etishni rag‘batlantiramiz va bank xizmatlarini soddalashtirish, qulay va ommabop qilishga harakat qilamiz.
"Biz zamonaviy texnologiyalarni faol joriy etib, mijozlarimiz uchun qulay, innovatsion va ommabop moliyaviy yechimlar taklif qilmoqdamiz. Bugungi kunda poytaxt bo‘ylab 140ga yaqin APEX BANK bankomatlari faoliyat ko‘rsatmoqda. Ular zamonaviy texnologiyalar bilan jihozlangan bo‘lib, turli operatsiyalarni amalga oshirishda xavfsizlik va qulaylikning yuqori darajasini ta’minlaydi. Ishonamizki, bank taraqqiyoti O‘zbekistonda bank xizmatlari sifatini va qulayligini oshirishga turtki bo‘ladi. Bank ustav kapitalini 500 mlrd so`mga oshirib, nafaqat regulyator talablariga javob beramiz, balki mijozlar ehtiyojlariga yo‘naltirilgan va ularning kelajagini ta'minlaydigan bank qurishga tayyor ekanligimizni namoyon qilamiz", — deydi “APEX BANK” AJ boshqaruvi raisining o‘rinbosari Sergey Gimadiev.
Reklama huquqi asosida.
Izoh (0)