Toshkent shahrining Olmazor tumanidagi ayrim ko‘chalarda 7-dekabr kuni soat 10:00 dan 13:00 gacha avtomashinalar harakati vaqtincha cheklanadi. Bu haqda poytaxt IIBB matbuot xizmati xabar berdi.
Maʼlum qilinishicha, 7-dekabr kuni Olmazor tumanida “Yangi hayot uchun, yangi O‘zbekiston uchun” shiori ostida 5000 metrlik ommaviy yugurish musobaqasi o‘tkazilishi rejalashtirilgan.
Shu bois quyidagi ko‘chalarda avtomashinalar harakati vaqtincha cheklanadi:
- THAY—Sog‘lom avlod ko‘chalari kesishgan chorrahasidan, Sog‘lom avlod ko‘chasi bo‘ylab, Sog‘lom avlod—Shifokorlar ko‘chalari kesishgan chorrahasigacha;
- Sog‘lom avlod—Shifokorlar ko‘chalari kesishgan chorrahasidan, Shifokorlar ko‘chasi bo‘ylab, Qamarniso—Shifokorlar ko‘chalari kesishgan chorrahasigacha;
- Qamarniso—Shifokorlar ko‘chalari kesishgan chorrahasidan, Qamarniso ko‘chasi bo‘ylab, Talabalar—Qamarniso ko‘chalari kesishgan chorrahasigacha;
- Talabalar—Qamarniso ko‘chalari kesishgan chorrahasidan, Talabalar ko‘chasi bo‘ylab, KHAY—Talabalar ko‘chalari kesishgan chorrahasigacha.
“Poytaxtimiz aholisi va mehmonlaridan yuzaga kelgan noqulaylik uchun uzr so‘ragan holda aylanma, yondosh ko‘chalardan harakatlanishlarini so‘rab qolamiz”, deyiladi xabarda.
Izoh (0)