Isroil bosh vaziri Binyamin Netanyaxu mamlakat bosh prokurori Gali Baharav-Miaraga maktub yo‘llab, xavfsizlik yig‘ilishlaridagi ma’lumotlarning sizib chiqishini tekshirishni talab qildi. Xabar matni Isroil hukumati rahbari idorasi tomonidan e’lon qilingan.
“Jiddiy ma’lumotlarning sizib chiqishi va oshkor etilishi davom etmoqda, bu holatni tekshirish bo‘yicha bir necha marta so‘rovlarimga qaramay, hech narsa qilinmadi”, deb yozadi Netanyaxu bosh prokurorga yo‘llagan maktubida.
Noyabr oyi boshida The Times of Israel gazetasi Isroil razvedka xizmatlari maxfiy ma’lumotlarning sizib chiqishi bilan bog‘liq bir necha gumondorni qo‘lga olgani haqida xabar bergan edi.
Unga ko‘ra, bosh vazirning sobiq matbuot kotibi Eliezer Feldshteyn o‘tgan hafta armiya ma‘lumotlar bazasidan maxfiy ma’lumotlarni olib, Yevropa axborot agentliklariga yetkazishga uringan.
Izoh (0)