O‘zbekistonda “Startap loyihalar va venchur moliyalashtirish ekotizimini yanada rivojlantirish chora-tadbirlari to‘g‘risida”gi prezident qarori qabul qilindi.
Qarorga ko‘ra, raqamli texnologiyalar sohasidagi startap loyihalarni har tomonlama qo‘llab-quvvatlashga qaratilgan Raqamli startaplar dasturi amalga oshiriladi.
Dasturda quyidagi rezident yuridik shaxslar ishtirok etishi mumkin:
- Quyidagi talablarga mos keluvchi startap loyihalar:
- faoliyat davomiyligi – 6 oydan 7 yilgacha bo‘lgan;
- kalendar yilida jami daromadi – 10 milliard so‘mdan oshmagan;
- inkubatsiya yoki akseleratsiya dasturini muvaffaqiyatli yakunlaganligini tasdiqlovchi hujjatga ega bo‘lgan;
- raqamli texnologiyalarga asoslangan, yuqori o‘sish va xorijiy bozorlarga chiqish salohiyati bo‘lgan biznes modelga ega bo‘lgan;
- startap loyihalar ekotizimi platformasida ro‘yxatdan o‘tgan.
- Startap ekotizim ishtirokchilari – venchur jamg‘armalar va xususiy investorlar hamda startap loyihalar uchun akseleratsiya va inkubatsiya dasturlarini tashkillashtirish xizmatlarini ko‘rsatuvchi tadbirkorlar.
Qarorga ko‘ra, dastur ishtirokchilariga quyidagi xarajatlar qoplab beriladi:
- 5 yildan ortiq muddat davomida faoliyat yuritayotgan hamda kamida 100 million dollar miqdorida investitsiya jalb qilgan yetakchi xalqaro akseleratsiya dasturlarida ishtirok etish;
- inkubatsiya va akseleratsiya dasturlarini amalga oshiruvchi tadbirkorlarga mentorlar va trenerlarni jalb qilish bilan bog‘liq xarajatlarning 50 foizigacha bo‘lgan, biroq 50 ming dollar ekvivalentidan oshmagan miqdorda;
- patentlash hamda intellektual faoliyat natijalari va savdo belgilarini ro‘yxatdan o‘tkazish xarajatlari;
Shuningdek, qiymati 50 million dollardan ko‘p bo‘lgan xorijiy venchur jamg‘armalardan investitsiya jalb qilgan startap loyihalarga mazkur investitsiyaga teng miqdorgacha bo‘lgan, biroq 100 ming dollar ekvivalentdan oshmagan miqdorda investitsiya mablag‘lari ajratiladi.
Dastur ishtirokchilarini qo‘llab-quvvatlash uchun venchur jamg‘arma tomonidan garov ta’minotisiz, asosiy stavkadan 4 foizlik punkt yuqori stavkada 300 million so‘mgacha startap loyihalarga qarz mablag‘lari ajratiladi. IT-Visa berish amaliyoti startap loyihalarning ta’sischilari va mutaxassislariga ham tatbiq etiladi.
Izoh (0)