Ichki ishlar vazirining tegishli buyrug‘i bilan viloyat Yo‘l harakati xavfsizligi boshqarmasi boshlig‘i lavozimiga polkovnik Aziz Sadirov tayinlandi. Bu haqda IIV Yo‘l harakati xavfsizligi xizmati axborot xizmati xabar bermoqda.
Toshkent viloyati IIBB axborot xizmatining “Daryo”ga ma’lum qilishicha, avvalgi boshliq boshqa ishga o‘tishi munosabati bilan lavozimidan ozod qilingan.
Yangi boshliqni tantishtirish marosimida poytaxt Toshkent shahrini viloyatlar bilan bog‘lovchi yo‘llar Toshkent viloyati hududidan o‘tishi, mazkur yo‘llarda transport vositalarining serqatnovligini inobatga olgan holda harakat xavfsizligini ta’minlash bo‘yicha chora-tadbirlarni yanada jadallashtirish lozimligi ta’kidlangan. Joriy yilning o‘tgan davri mobaynida viloyat avtomobil yo‘llarida sodir bo‘lgan yo‘l-transport hodisalari tanqid qilingan.
Avvalroq Maktab oldida qoidabuzarlik qilgan haydovchilarni o‘quvchilar oldida izza qilish “tajriba”sini yo‘lga qo‘ygan Andijon YHX boshlig‘i ishdan olinib, uning o‘rniga podpolkovnik Rustam Maqsudxo‘jayev tayinlangan edi.
Izoh (0)