Qozog‘istonda 6-oktyabr kuni atom elektr stansiyasi (AES) qurilishi bo‘yicha o‘tkazilgan referendumning yakuniy natijalari e’lon qilindi.
Referendumda ovoz berish huquqiga ega 12 million 284 ming 487 nafar fuqarodan 7 million 820 ming 204 nafari, ya’ni 63,66 foizi ovoz bergan.
Referendumga qo‘yilgan masalaning ijobiy hal etilishi uchun ovoz bergan fuqarolar soni 5 million 561 ming 937 kishini yoki 71,12 foizni tashkil etdi, dedi referendum bo‘yicha Markaziy saylov komissiyasi raisi Nurlan Abdirov.
AES qurilishiga qarshi 2 045 271 kishi ovoz bergan. 130 267 ta byulleten haqiqiy emas deb topilgan. AES Balxash ko‘li bo‘yida qurilishi rejalashtirilgan. Loyiha qiymati 10-15 milliard dollarga baholanmoqda. Stansiyani qurishda ishtirok etishi mumkin bo‘lgan kompaniyalar orasida Qozog‘iston hukumati “Rosatom”, KHNP (Janubiy Koreya), EDF (Fransiya) va China National Nuclear Corporation’ni (Xitoy) tanlagan.
Izoh (0)