Qirg‘iziston va Italiya mahkumlarni ekstraditsiya qilish va topshirish bo‘yicha kelishuvlarni imzoladi, deb xabar qildi Qirg‘iziston prezidenti Sadir Japarov matbuot xizmati.
Xabarda aytilishicha, 3-oktyabr kuni Italiyaga tashrifi doirasida Japarov Italiya bosh vaziri Jorja Meloni bilan uchrashgan. Uchrashuv yakunlari bo‘yicha tomonlar qo‘shma bayonot qabul qilgan.
“Qirg‘iziston va Italiya o‘rtasida ekstraditsiya qilish, mahkumlarni topshirish to‘g‘risidagi bitim, Qirg‘iziston Vazirlar Mahkamasi va Italiya hukumati o‘rtasida qo‘shma ishlab chiqarish to‘g‘risidagi kelishuv, audiovizual mahsulotlar ishlab chiqarish hamda Qirg‘iziston va Italiya Adliya vazirliklari o‘rtasida hamkorlik memorandum imzolandi”, deyiladi xabarda.
Meloni bilan muzokaralar chog‘ida Japarov rasmiy tashrifidan ko‘zlangan asosiy maqsad Qirg‘iziston Italiyaning ishonchli hamkori ekanini tasdiqlash ekanini ta’kidlagan.
“Bugungi kunda xalqaro hamkorlikni mustahkamlash va xorijiy sarmoyalarni jalb etish asosiy vazifalardan biri bo‘lib, bu borada Italiya Qirg‘iziston uchun istiqbolli hamkorlardan biridir”, deya qo‘shimcha qilgan Japarov.
U, shuningdek, Italiya Vazirlar kengashi raisini Bishkekga rasmiy tashrif buyurishga taklif qilgan.
Izoh (0)