Jahongir Otajonov avtomobilini 195 km/soat tezlikka chiqarib harakatlangani aks etgan video ijtimoiy tarmoqlarda tarqalib, ko‘plab muhokamalarga sabab bo‘lmoqda.
Xonanda buni o‘zi videoga olib, ijtimoiy tarmoqlardagi sahifasiga joylagan. Piyodalar o‘tish joyiga kelganida avtomobil tezligi 140 km dan yuqori bo‘lganini ko‘rish mumkin. Yo‘l harakati xavfsizligi xizmatining xabar berishicha, xonandaga nisbatan o‘rnatilgan tartibda chora ko‘rildi.
Unga tezlikni oshirgani va harakat vaqtida telefondan foydalangani uchun jarima jazosi belgilangan.
“Aslida to‘g‘ri hisoblamayman. Avvalo, o‘zim uchun xavfli. Insonmiz-da, haydab ko‘rdim. Bundan keyin eʼtiborli bo‘lamiz”, deydi Jahongir Otajonov.
Unga nisbatan Yo‘l harakati qoidalarining 75-bandi (harakat davomida tezlikni me’yordan oshirganlik) va 12-bandi (uyali aloqa telefonidan foydalanaganlik) da nazarda tutilgan qoidabuzarlikni sodir etgani uchun tegishli tartibda ma’muriy bayonnoma rasmiylashtirildi. BHMning 9 baravari (3,4 million so‘m) miqdorida jarima solindi.
29-sentyabr kuni 46 yoshni qarshi olgan Jahongir Otajonov o‘ziga yangi avtomobil sovg‘a qilgandi.
Izoh (0)