Boks afsonasi Mayk Tayson vatandoshi Terens Krouford Saul Alvaresga qarshi jang qilishi kerak emas deb hisoblaydi.
“Menga bu jang yoqmayapti. Bu Terens uchun juda katta vazn hisoblanadi. Terens Isroil Madrimovga qarshi teng jang qildi, chunki u katta va noqulay raqibdek ko‘ringandi. Aslida Terens Madrimov bilan jang qilmasligi kerak edi”, — deydi Tayson.
Eslatib o‘tamiz, Madrimovning Terens Kroufordga qarshi jangi 4-avgust kuni Los-Anjelesda bo‘lib o‘tgandi. Jang amerikalik bokschining ochkolar hisobiga (115-113, 115-113, 116-112) ko‘ra g‘alabasi bilan yakunlangan edi.
Mayk Taysonning bloger Jeyk Polga qarshi jangi 15-noyabr kuni AQShning Arlington shahridagi A&T arenasida bo‘lib o‘tadi.
Izoh (0)