“An-Nassr” bosh direktori Gido Fienga hujumchi Krishtianu Ronalduning klubga ta’siri haqidagi mish-mishlarga izoh berdi.
Krishtianu Ronaldu bizning sardorimiz va u nafaqat texnik nuqtai nazardan, balki xulq-atvori jihatidan ham dunyoning eng kuchli futbolchisi. Krishtianu klubni nazorat qilmaydi, lekin shubhasiz, u dunyoning eng yaxshisi bo‘lgani uchun qanday harakat qilishimiz, qanday maqsadlarga erishishimiz kerakligini aytib turadi. U turli jabhalarda tengsiz, shuning uchun biz undan g‘alaba qozonish sirlarini so‘raymiz.
Biz u bilan bu yil o‘z oldimizga qo‘ygan maqsadlarga imkon qadar erishmoqchimiz. Krishtianu jamoaning bir qismi va biz uning klubimizda borligidan juda xursandmiz, — deya Fienga so‘zlarini keltiradi ESPN.
Ma’lumot uchun, Ronaldu “Al-Nassr”da 2023-yildan buyon o‘ynab kelmoqda. Futbolchining klub bilan shartnomasi 2025-yilgacha mo‘ljallangan. Joriy mavsumda portugaliyalik barcha turnirlarda beshta o‘yinda qatnashib, to‘rtta gol va ikkita golli uzatmani amalga oshirdi.
Izoh (0)