Qirg‘izistonda o‘ta yengil, kichik hajmli ikki o‘rindiqli vertolyotlar yig‘ilmoqda. Videoni Facebook’da prezident administratsiyasi matbuot xizmati rahbari Dayirbek Orunbekov e’lon qildi.
Vertolyotning narxi 60 ming dollardan oshadi. U 70 litrli yonilg‘i baki bilan jihozlangan va maksimal uch soatlik parvoz vaqti bilan 600 kilometr masofani bosib o‘tadi.
“Hozir beshta shunday vertolyot bor. Vertolyotni boshqarishni o‘rganish qiyin emas ekan. O‘shga mashinada 10 soatda, bu vertolyotda esa bor-yo‘g‘i uch soatda yetib borish mumkin”, dedi Orunbekov.
Uning so‘zlariga ko‘ra, vertolyotlar “Shumkar” transmilliy korporatsiyasi tomonidan ishlab chiqariladi. Kompleks qismlar Polsha kompaniyasi tomonidan yetkazib beriladi.
Izoh (0)