Turkiyaning janubi-sharqidagi Qahramonmarash viloyatida 5 magnitudali zilzila sodir bo‘ldi.
Tabiiy ofatlarga qarshi kurashish boshqarmasi (AFAD) ma’lum qilishicha, 5 magnitudali silkinish mahalliy vaqt bilan soat 09:31 da sodir bo‘lgan.
![](/static/2024/09/07/zilzila2-MZn20See.jpg)
Zilzila manbasi Evri shahri yaqinida, taxminan, 7 kilometr chuqurlikda va 1,5 milliondan ortiq aholisi bo‘lgan Gaziantep shahridan 50 km uzoqlikda joylashgan.
Boshqarmaning qayd etishicha, tabiiy ofatning salbiy oqibatlari hozircha qayd etilmagan.
2023-yil 6-fevral kuni Qahramonmarash viloyatida 7,7 va 7,6 magnitudali zilzilalar to‘qqiz soat farq bilan sodir bo‘ldi. Turkiya hukumati zilzilalarni “asr falokati” deb atadi. Zilzila oqibatida 53 mingdan ortiq odam halok bo‘ldi, 107 mingdan ortiq kishi jarohat oldi.
17-avgust kuni turkiyalik yetakchi seysmolog Naji Geryur Istanbulda 7 va undan yuqori magnitudali zilzila ehtimoli 60 foizdan oshishini aytgandi.
“Istanbulda 7 va undan yuqori magnitudali yangi zilzila bashorat qilingan 30 yillik davr nihoyasiga yetmoqda. Biz oldin ham bir necha bor 2029-yilgacha kuchli zilzila kuzatilishini aytgandik, uning kuchi 1999-yil 17-avgustdagidan qolishmaydi. Zilzila sodir bo‘lishining ehtimollik darajasi kamida 64 foiz, Istanbul esa bunday zilzilaga tayyor emas”, degandi professor.
Izoh (0)