Prezident yordamchisi Saida Mirziyoyeva Qoraqalpog‘iston Respublikasining iqtisodiy-ijtimoiy holati og‘ir tumanlariga tashrif buyurib, u yerdagi ahvolni o‘rgandi.
"Kecha Qoraqalpog‘iston Respublikasida iqtisodiy-ijtimoiy holati og‘ir tumanlarga bordik va joylardagi ahvolni o‘rgandik.
Ushbu hududlarda yashayotgan aholi hayotini yaxshilash, ular uchun munosib sharoit yaratish borasida qilinadigan ishlar hali ko‘p" — deb yozdi Saida Mirziyoyeva telegramdagi sahifasida.
19-avgust kuni Prezident boshchiligida Qoraqalpog‘istonni ijtimoiy-iqtisodiy rivojlantirish yuzasidan o‘tkazilgan yig‘ilishda Qoraqalpog‘iston aholisini rozi qilish, hayotini yaxshilash, inson qadrini ulug‘lash bo‘yicha hudud rahbariyatida tashabbuskorlik yetishmayotgani, tuman hokimlari esa bunga mas’uliyatsizlik bilan yondashayotgani ko‘rsatib o‘tilgandi.
Qoraqalpog‘istonning imkoniyatlarini to‘liq ishga solish maqsadida hududni rivojlantirish bo‘yicha berilgan topshiriqlarning o‘z vaqtida va sifatli ijrosi ustidan nazorat prezident yordamchisi Saida Mirziyoyeva va prezidentning Orolbo‘yi mintaqasini barqaror rivojlantirish masalalari bo‘yicha maslahatchisi Tursinxon Xudayberganov zimmasiga yuklatilgan.
Izoh (3)
Assalomu aleykum. Qoraqalpog'iston yoshlari uchun kvota bor deyishgandiyu. Bu gap qanchalik to'ri?
Ассалому алайкум!Саида Мирзиёевага мурожаатим Коракалпогистон республикаси Беруний тумани Саркоп офйга келинг жойида хал киладиган муаммо лар бор +99899 624 2856 тоза ичимлик суви хам йук йуллар ачинарли ахволда талабга жавоб бермайди дехкон бозори талабга жавоб бермайди бошка муаммо жуда куп
Saidaxon boringizga shukur shunday ogʻir hududlarga yordam qulni chuzganlaringizga xalq tunu kun duvo qiladi endi raxmat sizga sharoitlar yaxshi bulsin iloxim Yashnasin yangi Oʻzbekistonimiz