Ispaniya terma jamoasi va “Manchester Siti” yarim himoyachisi Rodri Ernandes faoliyatini La Ligada davom ettirishi mumkin.
Futbolchiga Madridning “Real” klubi qiziqish bildirmoqda, deb xabar beradi Diario AS. Manbaga ko‘ra, “qirollik” klubi rahbariyati kelasi yili yarim himoyachi bilan shartnoma imzolash imkoniyatini ko‘rib chiqmoqda.
Uning hozirgi transfer qiymati 130 million yevroga baholanmoqda. Ernandesning shaharliklar bilan tuzilgan mehnat shartnomasi 2027-yilning o‘rtalariga qadar amal qiladi. O‘tgan mavsumda yarim himoyachi 50 ta o‘yinda ishtirok etib, 9 ta gol va 14 ta golga assistentlik qilgan.
28 yoshli futbolchi faoliyatini “Rayo Maxadaonda” klubida boshlagan. Professional faoliyati “Vilyarreal” klubi bilan chambarchas bog‘liq. Keyinchalik futbolchi Ispaniyaning “Atletiko” klubida bir yil o‘ynab, 34 uchrashuvda 3 bora raqiblar darvozasiga gol urgan. 2019-yildan buyon Angliyaning “Manchester Siti” klubi sharafini himoya qilmoqda.
Izoh (0)