O‘zbekiston futzal milliy terma jamoasi a’zosi Sunnat Jo‘rayev Portugaliyaga qarshi o‘rtoqlik uchrashuvida jarohat olgan edi. Tekshiruv natijalariga ko‘ra, futzalchining xochsimon payi lat yegan va endilikda u jarrohlik amaliyotini o‘tkazadi. Bu haqda O‘zbekiston futbol assotsiatsiyasi matbuot xizmati xabar berdi.
![](/static/2024/08/28/photo_2024-08-26_20-10-30-BornxhsL.jpg)
Shu munosabat bilan Sunnat Jo‘rayev Futzal Jahon chempionatini o‘tkazib yuborishi maʼlum bo‘ldi.
Avvalroq Fransiyaga qarshi bellashuvda jarohat olgan Ravshan Eliboyev jahon chempionatini o‘tkazib yuborishi aniq bo‘lgandi.
Bundan tashqari, Davron Choriyev ham aynan shu sabab bilan musobaqada yordam bera olmaydi.
Ma’lumot uchun, futzal bo‘yicha jahon chempionati 14-sentyabrdan 6-oktyabrgacha Toshkent, Andijon va Buxorodagi arenalarda o‘tkaziladi.
Izoh (0)