Qashqadaryoning Nishon tumanidagi yo‘lda gaz sizib chiqib, yong‘in yuzaga kelgani haqida “Daryo” kuzatuvchilaridan biri xabar qilgandi. Energetika vazirligi yong‘in to‘liq bartaraf etilganini ma’lum qildi.
Vazirlik bergan axborotga ko‘ra, yong‘in 21-avgust kuni soat 11:35 da Qashqadaryo viloyati Nishon tumanida joylashgan “Shirinobod” konidagi (Epsilon XKga qarashli) quduqlar oralig‘ida diametri 426 mm bo‘lgan quvurdan gaz sizib chiqishi oqibatida yuzaga kelgan.
Hozirgi vaqtda yong‘in to‘liq bartaraf etilib, taʼmirlash ishlariga kirishilgan.
Voqea sababli jarohatlanganlar yo‘q.
Izoh (0)