Toshkentdan uchta viloyatga yangi avtobus qatnovlari yo‘lga qo‘yiladi

Transport vazirligi viloyatlararo-shaharlararo yo‘nalishlarda yangi avtobus qatnovlari yo‘lga qo‘yilayotganini ma’lum qildi.

Qatnovlar Qashqadaryo, Surxondaryo va Sirdaryo viloyatlariga quyidagi yo‘nalishlarda amalga oshiriladi:

• 17-avgustdan Toshkent —Shahrisabz—Kitob, Toshkent—Yangiyer;
• 22-avgustdan Toshkent—Qarshi—Koson, Toshkent—G‘uzor—Qamashi;
• 23-avgustdan Toshkent—Boysun.

Muntazam qatnovlar Uzautotrans Service korxonasi tomonidan amalga oshiriladi. Qatnov jadvali va chipta narxlari bilan “Toshkent” avtovokzali hamda Uzautotrans Service korxonasining ijtimoiy tarmoqlardagi rasmiy sahifalarida tanishish mumkin.

Yo‘lovchilar borish va qaytish chiptalari elektron tarzda avtoticket.uz sayti hamda ATTO, UzBUS mobil ilovalari orqali sotib olishi mumkin.