Toshkent shahri, Uchtepa tumani, Zargarlik—Shirin ko‘chalari kesishgan chorrahada 7-avgust kuni soat 05:20 larda YTH sodir bo‘ldi. Bu haqda Toshkent shahar IIBB YHXB axborot xizmati xabar berdi.
Maʼlum qilinishicha, haydovchi (haydovchilik huquqidan mahrum qilingan) 2004-yilda tug‘ilgan B.A. boshqaruvidagi Malibu-2 hamda haydovchi 1970-yilda tug‘ilgan G.P. boshqaruvidagi Nexia-1 avtomashinalari to‘qnashishi natijasida YTH sodir bo‘lgan.
Nexia-1 avtomashinasi haydovchisi chorrahadan chapga qayrilish vaqtida asosiy yo‘l bo‘ylab harakatlanib kelayotgan Malibu-2 avtomashinasiga yo‘l bermasdan to‘qnashuv sodir etgan.
YTH oqibatida Nexia-1 haydovchisi va Malibu-2 yo‘lovchisi — 2004-yilda tug‘ilgan S.R. tan jarohati olgan.
Holat bo‘yicha Toshkent shahar IIBB YHXB masʼul xodimlari tomonidan surishtiruv harakatlari olib borilmoqda.
Izoh (0)